10. ANDU AITU TA THIKIRIRIAI

By /
1.
Andu aitũ ta thikĩrĩriai
Ihinda rĩa Mwathani witũ,
Nĩ ngũigua ta rĩkuhĩrĩirie
Ngwĩka atĩa nĩguo ngakinya kuo.
2.
Aiyĩre ngoro cia arutwo ake,
Arĩa mamũhikagĩra thĩ
Cianyu igakorwo ciikaire atĩa,
Ngwĩka atĩa nĩguo ngakinya kuo.
3.
Ndirica ciothe cia matu-inĩ
Ciahingũrirwo nĩ ũndũ witũ
Nake Ngai nĩ atwetereire
Na Jesũ nĩguo tũkinye kuo.
4.
Mwathani aikũrũkĩire mũciĩ
Wa Jerusalem ekuĩire
Mũtharaba wa kwambwo naguo
Ngwĩka atĩa nĩguo ngakinya kuo,
5.
Andũ othe a Mabũrũri-ĩnĩ
Mohaga itambaya njohero
Magatheka nĩ gũtũmena
Ngwĩka atĩa nĩguo ngakinya kuo.
6.
Rĩu mwĩharĩrie tũcambio
Tũkĩigagĩrĩrwo igenyo
Nĩ ũndũ wa rĩtwa rĩa Mwathani
Ngwĩka atĩa nĩguo ngakinya kuo.
7.
Mbũku ya Mathayo yugaga
Gũkena nĩ arĩa macambagio
Nĩ ũndũ wa rĩtwa rĩa Mwathani
Ngwĩka atĩa nĩguo ngakinya kuo.
8.
Ona ithuĩ tũngĩaga gũcambio
Nĩ ũndũ wa rĩtwa rĩa Mwathani
Tũtĩngĩtuĩka Arutwo ake
Ngwĩka atĩa nĩguo ngakinya kuo.
9.
Rĩu nĩ ndatigana na andũ
Na maũndũ marĩa mendaga
Tondũ thutha-ĩnĩ nĩ maĩthori
Ngwĩka atĩa nĩguo ngakinya kuo.

 

Leave a Comment

Your email address will not be published. Required fields are marked *

Scroll to Top