1.
Jehova arĩkia kũmba thĩ,
Ona indo ciothe nĩ ombire
Adamu na akĩũmba Hawa,
Erĩ mahoreranagie
Ona indo ciothe nĩ ombire
Adamu na akĩũmba Hawa,
Erĩ mahoreranagie
Chorus:
Ngai na Jesu na Roho
Matũraga mendanĩte
Maiyũirwo nĩ ũhoro wa ma
Gũtirĩ ũcambagia ũrĩa ũngĩ
Matũraga mendanĩte
Maiyũirwo nĩ ũhoro wa ma
Gũtirĩ ũcambagia ũrĩa ũngĩ
2.
Adamu na Hawa erĩ,
Mahĩka kwĩyonia njĩra
Makĩigua watho wa ngoma,
Ngai nĩamatiganĩirie
Mahĩka kwĩyonia njĩra
Makĩigua watho wa ngoma,
Ngai nĩamatiganĩirie
3.
Athuri othe a kanitha,
Mwehĩtanĩra he Ngai
Tũragai mwendanĩte,
Kinya mũthenya wa gũkua
Mwehĩtanĩra he Ngai
Tũragai mwendanĩte,
Kinya mũthenya wa gũkua
4.
Athuri na atumia,
Mwehĩtanĩra he Ngai
Tũragai mwendanĩte,
Nginya mũthenya wa gũkua
Mwehĩtanĩra he Ngai
Tũragai mwendanĩte,
Nginya mũthenya wa gũkua
5.
Iguai anake na airĩtu,
Ona tũkenge mwarĩkia
Gũciarwo nĩ kĩgongona,
Tũragai mwendanĩte
Ona tũkenge mwarĩkia
Gũciarwo nĩ kĩgongona,
Tũragai mwendanĩte
6.
Ũyũ nĩ watho wa Ngai,
Jesu nĩwe mũira wa guo
Waheirwo andũ arĩa atheru
Matũre makirĩrĩirie
Jesu nĩwe mũira wa guo
Waheirwo andũ arĩa atheru
Matũre makirĩrĩirie
7.
Jesu ahe atũmwo watho ũcio,
Matũrire me ngoro ĩmwe
Tondũ othe nĩ meninĩire,
Ũgĩ ũrĩa wa mũciarĩre
Matũrire me ngoro ĩmwe
Tondũ othe nĩ meninĩire,
Ũgĩ ũrĩa wa mũciarĩre
8.
Arĩa maregaga Ngai,
Makehia mathani make
Magatongorio nĩ mwĩrĩ,
Metagwo thũ nĩ Jehova
Makehia mathani make
Magatongorio nĩ mwĩrĩ,
Metagwo thũ nĩ Jehova
9.
Ndamũthaithĩra andũ acio,
Mũtikamathikĩrĩrie
Tondũ mekũmwĩra mwĩhie,
Mathani mũikare tao.
Mũtikamathikĩrĩrie
Tondũ mekũmwĩra mwĩhie,
Mathani mũikare tao.