147. JOHANA NI ONIRE JESU

Johana nĩ onĩre Jesu,
E na mwago matũ-inĩ,
Gĩthama-inĩ kia Patimo,
Hĩndĩ ĩrĩa oimĩrĩrwo.

Nĩ mũthinjĩri mũitirĩrie,
Maguta makũmwamũra,
Kuũma igũrũ na thĩ.

Aikĩtio ho nĩ thũ ciake,
Nĩgetha akũĩre ho,
Tondũ wa ũhoro wa Ngai,
Na ũira wa Jesu.

Nĩ ngugoca mũthamaki,
Muthĩnjĩri witũ,
Mũtheru na mwihokeku,
Mũnene ũrĩ kĩhoto.

Itugĩ-inĩ iria mũgwanja,
Cia gũcuria tawa,
Mĩtĩ-inĩ ĩrĩa ya thahabu
Nĩho Jesu arũngiĩ.

Uthiũ wake nĩ mũtheru,
Ta riũa nĩ hinya,
Namo maitho mahanaga
Taari rũrĩrĩmbĩ.

Nĩ ehumbĩte nguo njerũ,
Yakinya nyarĩrĩ,
Mucibi wa kwĩhotora,
Nĩ ũrĩa wa thahabu.

Njũĩrĩ ĩrĩa ĩrĩ mũtwe wake,
Yeruhĩte o ta ira,
Nako kanua nĩta rũhiũ Rwa kũriĩra ndũrĩrĩ
[8]
Mũgambo wa Gatũrũme,
Nĩ ta mai maĩngĩ,
Hĩndĩ ĩyo Johana akĩigua,
Ta aarĩ mũndũ mũkuũ.

Nĩ erĩrũo atige kĩmaka,
Nĩ niĩ ũrĩa wakuĩte,
Na agĩcoka kũgĩa muoyo,
Na egũtũra muoyo.

Nĩ ahingũrire mũrango,
Wa kuma gĩkuũ-inĩ,
Ha kĩaga mũndũ ũngĩgiria
Oige ndekũriũka.