1.
Kanitha ũrĩa mũtheru, wakĩtwo na itugĩ ithatũ
Mũhunjĩa na mũrutani, ningĩ na mũthaithi Ngai.
Mũhunjĩa na mũrutani, ningĩ na mũthaithi Ngai.
Chorus:
Kĩmwe gĩacio kĩngĩehera, kanitha ndũgĩrũgama
Tondũ cigĩtwo ho nĩ Ngai irũgamagie kanitha
Tondũ cigĩtwo ho nĩ Ngai irũgamagie kanitha
2.
Mũhunjia nĩwe mũhandi wa mbeũ njega kanitha
Nacio ciarĩkia kũmera mũrutani akarĩmĩra.
Nacio ciarĩkia kũmera mũrutani akarĩmĩra.
3.
Muhoi Ngai arutaga wĩra wa hinya hĩndĩ ĩrĩa
Ekũhoera maroho, nĩgũo matũrio nĩ Ngai
Ekũhoera maroho, nĩgũo matũrio nĩ Ngai
4.
Ucĩo ahana mũrĩmiri, ũrĩa rimagĩra mbeu,
Okuma rĩrĩa ciinyinyi, kinya hĩndĩ ya magetha.
Okuma rĩrĩa ciinyinyi, kinya hĩndĩ ya magetha.
5.
Ucĩo ahana ta rũgiri, rũrĩa rũrigicagĩria thũ,
Itingĩona hakũgera nĩũndũ wa mahoya make.
Itingĩona hakũgera nĩũndũ wa mahoya make.
6.
Mũrutani rũtanaga, ciugo njega cĩa kũguna
Maroho ma andũ othe ningĩ ikamomagĩrĩria
Maroho ma andũ othe ningĩ ikamomagĩrĩria
7.
Gatagatĩ ga acio atatũ, nĩho he maĩtho ma Roho
Makwonaga rĩrĩa thũ iroka gũthũkia wĩna Roho.
Makwonaga rĩrĩa thũ iroka gũthũkia wĩna Roho.