286. NDU AINGI NI MEKUGARURUKA

Andũ aingĩ mekũgarũrũka,
Gwa Shaitani mate mĩoyo yao
Na mate wĩra ũrĩa marutĩte
Mena ng’aragu na thĩna mũnene
Monio mĩago ya ihinda inyinyi

Mĩago ya bũrũri wa Misiri
Yatigirwo nĩ Musa akĩmĩrega
Akiuga nĩ kaba nyone thĩna
Hamwe na andũ a Ngai rũgendo-inĩ
Gũkĩra ngenio matukũ manyinyi

Mĩoyo ya andũ othe a thĩ nĩ mĩnyinyi
Mahetwo ya matukũ manyinyi
Mĩoyo ya matu-inĩ ndĩgathira
Andũ makinya kuo matigakua
Magatũũra muoyo ta araika

Ngũcoka kwenda kĩ thĩ-inĩ wa thĩ?
Hetwo Roho Mũtheru andongoragie
Ngĩe na ũtheri mũingĩ ndikahĩngwo
Nyonage ithukĩ ciothe na marima
Marĩa Shaitani enjete njĩra-inĩ

Nĩ njĩrĩirwo muoyo ũtagathira
Ona ndona ruo na maithori
Na ngerĩrwo gĩkeno kĩnene
Na thũmbĩ ya ũthamaki ũtagathira
Nĩnjĩrĩgĩrĩire nĩ ngaheo.