1.
Nĩ twĩhũge ngoro na twarahũre
Meciria ma toro tũthaithe Ngai
Nĩguo tũtige toro ta arĩa a gũkũ thĩ
Meciria mao metagwo kũherithio
Meciria ma toro tũthaithe Ngai
Nĩguo tũtige toro ta arĩa a gũkũ thĩ
Meciria mao metagwo kũherithio
Chorus:
Maciaro ma toro, nĩ tũmaiguei
Tũmenye ti mega
Twĩhũge nama
Tũmenye ti mega
Twĩhũge nama
2.
Ngai nĩ atũmire thũ cia Gideoni
Ithiũrũrũkĩirio harĩa ciakomete
Nĩ andũ a Israeli magwete imũrĩ
Thũ ikiũragana cio nyene, tondũ wa toro
Ithiũrũrũkĩirio harĩa ciakomete
Nĩ andũ a Israeli magwete imũrĩ
Thũ ikiũragana cio nyene, tondũ wa toro
3.
Daudi nĩ athire he mũthamaki
Agwete gĩtete, na itimũ rĩake
Nĩ atemire nguo ya mũthamaki,
Gĩcora kĩayo; agĩtinia nĩ tondũ wa toro
Agwete gĩtete, na itimũ rĩake
Nĩ atemire nguo ya mũthamaki,
Gĩcora kĩayo; agĩtinia nĩ tondũ wa toro
4.
Samusoni arĩ, njamba ĩrĩ hinya
Hĩndĩ ĩrĩa akomire, akĩenjwo njuĩrĩ
Hinya wothe ũgĩthira, akĩenjwo nĩ thũ,
Akĩrutwo maitho merĩ, nĩũndũ wa toro
Hĩndĩ ĩrĩa akomire, akĩenjwo njuĩrĩ
Hinya wothe ũgĩthira, akĩenjwo nĩ thũ,
Akĩrutwo maitho merĩ, nĩũndũ wa toro
5.
Korokoro yothe nĩ yainainire
Paulo na Sila, mainĩra Ngai
Mũmĩrangĩri Akĩruta rũhiũ ethece,
Nĩũndũ wa toro
Paulo na Sila, mainĩra Ngai
Mũmĩrangĩri Akĩruta rũhiũ ethece,
Nĩũndũ wa toro
6.
Paulo nĩogire, andũ othe metwo
Moiganĩre ũhoro, amarathime
Mwanake ũmwe agĩcũnga, e ndirica-inĩ
Agĩkurumana agĩkua, tondũ wa toro
Moiganĩre ũhoro, amarathime
Mwanake ũmwe agĩcũnga, e ndirica-inĩ
Agĩkurumana agĩkua, tondũ wa toro